«shavkat mirziyoyev» tegli maqolalar
Toshkent metallurgiya zavodi 8 yildan so‘ng o‘zini qoplashi kutilmoqda
Rux va polimer qoplamali metall listlar ishlab chiqaradigan Toshkent metallurgiya zavodi ishga tushirildi. Loyihaning umumiy qiymati 420 mln dollarni tashkil etib, yiliga 750 ming tonnagacha metall ishlab chiqarish imkoniyatiga ega. O‘zini qoplash muddati taxminan 8,6 yil.
Prezident Toshkent metallurgiya zavodi faoliyatiga start berdi
Prezident Shavkat Mirziyoyev Toshkent metallurgiya zavodini ishga tushirdi. Mazkur majmuada birinchi bosqichda 400 mln dollarga yaqin mablag‘ tejaladi, yiliga 90 mln dollarlik mahsulot eksport qilinadi. Davlat rahbari ushbu majmua ochilishini «tarixiy voqea» deb atadi. «Harakatlarimizning asosiy maqsadi yaqin yillarda yaxlit, „noldan tayyor mahsulotgacha“ bo‘lgan metall ishlab chiqarish klasterini yaratishdan iborat», — dedi prezident.
Prezident Rossiya Federatsiyasi delegatsiyasini qabul qildi
Prezident Shavkat Mirziyoyev Rossiya Federatsiyasi sanoat va savdo vaziri Denis Manturov boshchiligidagi delegatsiyani qabul qildi. Muzokaralar davomida metallurgiya mahsulotlari ishlab chiqarish bo‘yicha yirik va zamonaviy korxonani tashkil etish loyihasi ikki davlat o‘rtasidagi samarali hamkorlikning namunasi ekani qayd etildi.
«Pulimiz bor, hududlarda ham, tarmoqlarda ham imkoniyatimiz bor, lekin loyiha yo‘q» — Shavkat Mirziyoyev
Prezident mamlakatdagi ilm-fan sohasidagi yutuq va kamchiliklar haqida nutq so‘zlab, OTMlarda ilmiy tadqiqotlar darajasi o‘ta past, ilm va innovatsiya masalalari bo‘yicha mas’ul prorektorlar umuman ishlamayotganini qayd etdi. Bundan tashqari, hududlardagi suv xo‘jaligi sohasidagi muammolarga ham to‘xtalib o‘tildi.
Shavkat Mirziyoyev Rossiya Federatsiyasi delegatsiyasini qabul qildi
Prezident Shavkat Mirziyoyev Rossiya Federatsiyasi prezidenti Administratsiyasi rahbarining o‘rinbosari Dmitriy Kozak boshchiligidagi delegatsiyani qabul qildi. Uchrashuvda O‘zbekiston raisligida bo‘lib o‘tadigan sammitga tayyorgarlik masalalari ham muhokama qilindi.
Shavkat Mirziyoyev va Vladimir Putin Rossiya vaksinasi masalasida fikr almashishdi
Prezidentlar Shavkat Mirziyoyev va Vladimir Putin telefon orqali muloqot davomida Rossiya vaksinasidan foydalanish masalasida fikr almashishdi.
O‘zbekiston va Rossiya prezidentlari MDH sammitiga tayyorgarlik masalasini muhokama qilishdi
O‘zbekiston prezidenti Shavkat Mirziyoyev rossiyalik hamkasbi Vladimir Putin bilan telefon orqali suhbatda O‘zbekiston raisligidagi MDH sammitiga tayyorgarlik ko‘rish masalasini muhokama qildi. Ushbu sammit shu yili dekabrda videoanjuman sifatida o‘tishi kutilmoqda. Shuningdek, ikki davlat rahbarlari pandemiya tufayli yuzaga kelgan global inqiroz sharoitida ikki tomonlama savdo-iqtisodiy aloqalar barqaror rivojlanayotganini qayd etishdi.
“Odamlar uchun shahar, tuman va qishloqlar orasida transportni qulay, xavfsiz va oson qilish kerak” — prezident
O‘tgan 10 oyda Xalq qabulxonalariga jamoat transporti bo‘yicha 3 mingdan ortiq murojaat kelib tushgan. Hisob-kitoblarga ko‘ra, mamlakat bo‘yicha kuniga qariyb 20 mln yo‘lovchidan bor-yo‘g‘i 4,4 mlni yoki 22 foizi jamoat transportidan foydalanmoqda. 1,2 mingta qishloq tuman markazigacha bo‘lgan yo‘nalishda jamoat transporti bilan qamrab olinmagan. Prezident mazkur muammolarni tizimli hal etish yuzasidan yig‘ilish o‘tkazdi.
«Vazir haftada ikki kun Toshkentda o‘tirishi mumkin» — Shavkat Mirziyoyev
«Qashqadaryodagi 3,3 mln aholi davlat rahbarining havotirini, davlat rahbarining befarq emasligini, ko‘magini sezishi kerak», — dedi prezident. Uning so‘zlariga ko‘ra, vazir haftada ikki kun Toshkentda o‘tirishi, qolgan kunlari viloyatda bo‘lishi kerak.
Prezident COVID-19 shifoxonalarini optimizatsiya qilish bo‘yicha topshiriq berdi
Davlat rahbari bugun o‘tkazilgan videoselektor yig‘ilishda mutasaddilarga koronavirusga ixtisoslashgan shifoxonalarni optimizatsiya qilish bo‘yicha topshiriq berdi. Shuningdek, prezident matbuot xizmati COVID-19 shifoxonalarida 6570 nafar bemor davolanayotganini qayd etdi. SSV esa 17 noyabr holatiga mamlakatda 2123 nafar koronavirus bemori borligini ma’lum qilgan.
Geologiya sohasida 50 foiz vaqt investitsiya bilan shug‘ullanishga sarflanishi kerak — prezident
Shavkat Mirziyoyev geologiya sohasida 50 foiz vaqt investitsiya bilan shug‘ullanishga sarflanishi kerakligini ta’kidlandi. Xorijiy investorlarni jalb qilish uchun yondashuvni ham o‘zgartirish lozimligi aytildi. Istiqbolli maydonlarni shakllantirish, ularni xorijiy investorlarga taqdim etish, geologik qidiruvlar o‘tkazish bo‘yicha topshiriqlar berildi.
«Menga qorovul bo‘ladigan vazir kerak emas». Prezident suv xo‘jaligi vazirini tanqid qildi. Shuhrat G‘aniyev ham tanbeh eshitdi
Prezident suv xo‘jaligini vaziri Shavkat Xamrayevni Qashqadaryodagi irrigatsiya va melioratsiya ishlari holati uchun tanqid qildi. Shavkat Mirziyoyev unga viloyat suv xo‘jaligi rahbarlarini ishdan olish va ishlaydigan odamlarni qo‘yish bo‘yicha topshiriq berdi. Bosh vazir o‘rinbosari Shuhrat G‘aniyev ham davlat rahbaridan tanbeh eshitdi.
Shavkat Mirziyoyev Qirg‘iziston prezidenti v.b. bilan telefon orqali muloqot qildi
O‘zbekiston va Qirg‘iziston prezidentlari telefon orqali muloqot qilishdi. Sadir Japarov «Qirg‘iziston uchun qiyin davrda» ko‘rsatgan insonparvarlik yordami uchun O‘zbekistonga minnatdorchilik bildirdi.
2021 yil Qashqadaryoda tadbirkorlikni rivojlantirish yili deb e’lon qilindi
2021 yil Qashqadaryo viloyatida tadbirkorlikni rivojlantirish yili deb e’lon qilindi. Viloyatda 2021−2022 yillarda umumiy qiymati 28 trln so‘m bo‘lgan 950 ta loyiha amalga oshiriladi. Bu loyihalar natijasida 15 mingta yangi ish o‘rni yaratilishi rejalashtirilgan.
Shavkat Mirziyoyev Qashqadaryodagi muammolarni sanab o‘tdi
Qashqadaryoda noto‘g‘ri sug‘orish oqibatida yerlarning 45 foizi sho‘rlangan, aholining atigi 50 foizi ichimlik suvi bilan ta’minlangan, viloyatning 88 maktabida «smena» ko‘rsatkichi yuqori, lekin bir nechta maktab filiali binosi paxsadan qurilgan, sog‘liqni saqlash tizimida 1000 dan ortiq shifokorlar yetishmaydi. Davlat rahbari viloyatning muammolarini sanab o‘tdi.
Prezident Shahrisabzda sintetik aralashmali ip va mato ishlab chiqarish jarayoni bilan tanishdi
Prezident Shavkat Mirziyoyev Qashqadaryoga safarini Shahrisabzdagi Oqsaroy Vortex MCHJda sintetik aralashmali ip va mato ishlab chiqarish jarayoni bilan tanishishdan boshladi.
Qoraqalpog‘istonni rivojlantirish bo‘yicha uch yillik dastur amalga oshiriladi
Prezident raisligida Qoraqalpog‘istonni rivojlantirish masalalariga bag‘ishlangan videoselektor bo‘lib o‘tdi. Unda 856 km avtomobil yo‘llarini ta’mirlash, ichimlik suvi ta’minotini 70 foizga yetkazish hamda 9 mingdan ortiq arzon uylar bunyod etish ta’kidlandi. «Umuman olganda, Qoraqalpog‘istonda ishlarni yangicha tashkil etish va nazorat tizimi o‘rnatiladi», — dedi prezident.
Shavkat Mirziyoyev SHHT videoanjumanida nutq so‘zladi
Shavkat Mirziyoyev Shanxay hamkorlik tashkilotiga a’zo davlatlar rahbarlari kengashi majlisida Tog‘li Qorabog‘ bo‘yicha kelishuvga erishilganini qo‘llab-quvvatlashini ta’kidlab, kelgusida vaziyat yanada barqarorlashishiga umid bildirdi. Prezident tashkilotga a’zo mamlakatlarni muhtoj aholi qatlamiga yordam ko‘rsatish, inqirozga qarshi kurash borasida umumiy dastur ishlab chiqishda hamkorlikka chaqirdi.
Shavkat Mirziyoyev Shanxay hamkorlik tashkiloti videoanjumanida qatnashadi
Prezident Shavkat Mirziyoyev 10 noyabr kuni Shanxay hamkorlik tashkilotiga a’zo davlatlar rahbarlari kengashining videoanjuman shaklida o‘tadigan majlisida ishtirok etadi.
2021 yildan bolalarga vitamin va yod preparatlari tekinga tarqatiladi
Kelgusi yildan boshlab bolalarga vitaminlar, parazitlarga qarshi dorilar, yod preparatlari, 35 yoshgacha bo‘lgan ayollarga foliy kislotasi va ferrum bepul beriladi. Prezident ushbu amaliyot bekor qilingani bois davolanish uchun 10 marta ko‘proq mablag‘ sarflashga to‘g‘ri kelayotganini qayd etdi.
Eng ko‘p o‘qilgan xabarlar | So‘nggi yangiliklar
- O‘zbekistonda 17−23-fevral kunlari ob-havo qanday bo‘ladi? “Gazeta.uz” sharhi
- O‘zbekistonliklar muhandislik sohasi bo‘yicha Germaniyaga ishga taklif qilinmoqda
- Hafta davomida harorat +20 darajagacha ko‘tariladi
- Sirdaryoda o‘qituvchini kaltaklagan ayol ruhiy kasalliklar shifoxonasiga joylashtirildi (1)
- Kambag‘al oilalarga tadbirkorlik bilan shug‘ullanish uchun foizsiz ssudalar ajratiladi
Qo‘shimcha imkoniyatlardan foydalanish uchun saytda ro‘yxatdan o‘ting